.png)
Sllovakia ka ndaluar gjatë të martës së 31 gushtit përdorimin e vaksinës ruse kundër koronavirusit Sputnik V.
Zëdhënësja e Ministrisë së Shëndetësisë, Zuzana Eliasova, tha se mbi 18.500 qytetarë sllovakë janë vaksinuar tashmë me këtë vaksinë.
Blerjet e Sputnik V kanë shkaktuar reagime të mëdha politike në Sllovaki, ndërsa kërkesa për këtë vaksinë ka qenë e ulët.
Tre anëtarë të koalicionit qeverisës me katër parti kanë qenë kundër blerjeve.
Polemikat kanë çuar në dorëheqjen e kryeministrit të atëhershëm, Igor Matoviç, dhe të ministrit të Shëndetësisë, Marek Krajci.
Në muajin mars, Sllovakia ka blerë 200.000 doza Sputnik V, duke u bërë shteti i dytë anëtar i Bashkimit Europian, pas Hungarisë, që furnizohet me të tilla.
Sputnik V nuk është miratuar nga Agjencia Evropiane e Barnave – EMA.
Qeveria e ristrukturuar, e kryesuar nga Eduard Heger, është formuar më 1 prill. Në një intervistë për AFP-në në muajin qershor, Heger ka thënë se vendimi i Sllovakisë për të blerë vaksinën ruse është marrë kryesisht për shkak të presionit për furnizim në atë kohë dhe se ai nuk do të përsëritet.
“Vendimi është marrë nën ndikimin e fortë, ndoshta ndikimin më të fortë të pandemisë. Ne kishim nevojë për shumë vaksina”, ka thënë Heger.
Sllovakia, vend me 5.4 milionë banorë, ka regjistruar gjithsej 394.923 raste me koronavirus që nga fillimi i pandemisë, pranverën e kaluar.
Prej tyre, 12.548 pacientë kanë humbur jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje