.png)
Nga Gazeta Si – Këtë herë do ta ketë vërtet të vështirë të arratiset. Këtë herë Plaçido Domingo është kthyer në qendër të vëmendjes për një tjetër histori seksi. Sepse këtë herë emri i tenorit spanjoll, i cili ende konsiderohet si ikona e operës botërore në moshën 81-vjeçare, kthehet në plan të parë në një hetim për një sekt kriminal argjentinas të akuzuar për trafikim dhe shfrytëzim seksual të vajzave të reja. Përveç pastrimit të parave dhe praktikës ilegale të drogës.
Lajmi në gazetat e Amerikës Latine
Ata që kanë raportuar se emri i Domingos është në listën e të përgjuarve në rrjedhën e hetimit të hapur nga policia e Buenos Aires, janë disa gazeta të Amerikës Latine si ‘La Nacion’ të Argjentinës dhe ‘El Observador’ të Uruguait. Për ta akuzuar atë janë një seri kasetash audio të sekuestruara gjatë bastisjeve që u vendosën për të mposhtur sektin, i cili, pas fasadës së një “Shkolla të Jogës”, fshihte shumë më tepër. Aq sa hetimi gjyqësor u quajt ‘Geishado Vip’. Por më shumë se geishat, vajzat e përfshira në këtë lloj trafiku ishin skllave të vërteta seksi.
Përgjimi i tenorit
E mes klientëve VIP do të ishte edhe tenori, i cili në përgjime do të ishte protagonist i një gjoja takimi seksual me “Mendin”, një grua pjesë e sektit. Domingo do t’i kishte thënë: “Kur të largohemi nga darka do të arrijmë veçmas. Ne do ta bëjmë në këtë mënyrë sepse agjentët e mi do të ngjiten në dhomën e tyre kur unë të ngjitem dhe ata do të qëndrojnë në të njëjtin kat”.
Për t’u bërë shoqëri vajzave të shumta të rekrutuara ishte dhe Juan Percoëicz, mësues i vetëquajtur shpirtëror, tashmë 84 vjeç, që punon në selinë e Villa Crespo, një lagje e Buenos Aires që frekuentohet nga artistë dhe futbollistë. Naive, të reja dhe të bukura, të cilat mund të nënshtrohen me premtimin e lumturisë dhe mirëqenies. Në këmbim, kërkohej dorëzimi i të gjitha mallrave të tyre dhe nënshtrimi i plotë te Mjeshtri, i njohur si Engjëlli. Ndër detyrat që u besonte Engjëlli, ishte ajo e “gjenerimit të parave nëpërmjet aktiviteteve seksuale”.
170 viktima
Sidomos me partnerë të pasur dhe të fuqishëm, biznesmenë, politikanë, artistë të famshëm. Deri më tani, viktimat e sektit do të ishin 170 vetëm në Argjentinë, 19 persona të arrestuar, shumë sekuestrime pronash dhe pasuri të ngrira. Lajmi erdhi në prag të performancës së këngëtarit në Meksikë, i pari në 10 vjet. Dhe nja dy vjet më parë ai u akuzua për ngacmim seksual që e kishin pushtuar pas ankesave të një duzine grash, duke e detyruar Domingon të jepte dorëheqjen nga pozicioni i drejtorit të përgjithshëm të Operës së Los Anxhelosit dhe të anulonte çdo shfaqje në Met në Nju Jork.
Më pas, Plaçido kërkoi falje duke i thënë vetes “sinqerisht më vjen keq për vuajtjet e shkaktuara, jam gati të pranoj përgjegjësinë e plotë për veprimet e mia”. Ai shtoi se ishte “i përkushtuar për të bërë një ndryshim pozitiv”. Pas këtij skandali të ri, ta besosh një gjë të tillë do të jetë shumë më e vështirë.
Marrë nga Il Corriere della Sera, përshtati në shqip Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
