.png)
Sindikata e pedagogëve iu ka bërë thirrje stafeve akademike që t’i bashkohen protestës së 5 tetorit, para Universiteti Politeknik në Tiranë.
Në një njoftim për mediat, kryetari i sindikatës Aleksandër Kovaçi tha se po ushtrohet presion direkt dhe indirekt ndaj kolegëve për mos të marrë pjesë në protesta.
“Na u bashkoni që të bëhemi bashkë më 5 tetor në orën 11:00 tek Politekniku. Nuk po kërkojmë vetëm rritje pagash, pasi vlera e punës tonë është më shumë se çdo vlerë monetare. Do qëndrojmë fort për të konkretizuar kërkesat tona legjitime”, ka thënë ai duke ftuar edhe gjithë pedagogët nëpër rrethe që të mbështesin protestën e tyre.
“Le ta bëjmë këtë godinë simbolin e qëndresës”, ka thënë ai duke shtuar edhe një thirrje kundrejt drejtuesve të institucioneve arsimore.
“Qëndroni në lartësinë e detyrës, mos intimidoni pjesëmarrjen në këtë protestë të stafit. Ne do të qëndrojmë fortë deri në plotësimin e kërkesave”, tha përfaqësuesi i sindikatës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
