.png)
Nga Alison Grren- Gjatë viteve të fundit kam shkruar artikujt të ndryshëm, mbi këshillat për vendin e punës, duke i’u shpjeguar njerëzve gjithçka që duhet të dinë për sjelljen në punë, duke nisur nga komunikimi me menaxherët e tyre, ngarkesa e punës e deri te shmangia e një kolegu që mban erë të keqe.
Një nga temat më të rëndësishme që kam trajtuar është mënyra se si të zgjidhim problemet në punë me shefat ose kolegët. Shumë prej nesh shpresojnë se do të ndodhi një “magji” dhe të gjitha problemet do të zgjidhen pa pasur nevojë të përdorim fjalët tona. Shpesh duam të shmangin bisedat e drejtpërdrejta, veçanërisht nëse gjendemi në vështirësi. Deri diku është e kuptueshme sepse në fund të fundit puna na mundëson jetesën që duam dhe duhet të kemi marrëdhënie të mira me shefin dhe kolegët, në mënyrë që momentet në punë të mos bëhen të mërzitshme, por ajo që hasim gjatë gjithë kohës është se njerëzit struken brenda “kafazit” të tyre, duke krijuar mundësi të pakta komunikimi.
Për shembull unë kam dëgjuar për njerëz që rrinë me muaj në heshtje, ndërkohë që mund të zhvillojnë biseda të ndryshme me kolegët e tyre. Një rast tjetër që kam hasur, ishte se njerëzit mund të punojnë në kushte të vështira pune, duke ndenjur në një karrige të përshtatshme ose pa kondicioner në zyrën e punës dhe kjo e gjitha ndodh për të shmangur një bisedë të shkurtër, që do të kryej me personin që merret me rregullimin e tyre. Ndërsa disa persona të tjerë, kalojnë shumë kohë në periudhën e provës pa pagesë vetëm se hezitojnë të kërkojnë të drejtat e tyre, duke thënë thjesht një frazë të shkurtër, “Më paguaj për punën që po bëj”.
Adresa ime elektronike është e mbushur plot më mesazhe nga menaxherë që nuk janë të kënaqur nga puna e një punonjësi, por kurrë nuk e kanë marrë mundimin për të biseduar me të, për ti thënë se çfarë duhet të ndryshojë në punën që bën, edhe pse kjo është detyra e tij. Ideja qëndron te mënyra e komunikimit dhe te fakti se njerëzit dita-ditës po bëhen më të izoluar. Mjafton të flasësh me qetësi për atë që dëshiron dhe gjithçka zgjidhet. Askush nuk do të pëlqente një bisedë të vështirë dhe të pakëndshme, por nuk zgjidhet asgjë duke u rezervuar dhe duke u “frikësuar” se do të ndodh, diçka e keqe nëse flet për gjërat që nuk të pëlqejnë. Ju do të merrni rezultate shumë të mira në jetën tuaj profesionale nëse jeni të gatshëm të pyesni për diçka që nuk e dini ose të diskutoni me kolegët dhe shefin tuaj rreth çështjeve të ndryshme. Natyrisht kjo nuk do të thotë që të flasësh në mënyrë agresive dhe kundërshtuese, edhe pse shpesh herë njerëzit janë të prirur drejt kësaj sjellje. Në vend të kësaj, duhet të flasësh me qetësi dhe të argumentosh përgjigjet e tua me anë të fakteve. E thënë ndryshe toni i zërit që do të përdorni do të përcaktojë nëse do të zgjidhni, apo do ti shtoni një problem vetes.
Nëse kryeni këto etapa ju do të kuptoni se shumica e njerëzve janë të arsyeshëm dhe duan të dinë çdo mendim që mund të keni rreth tyre. Ata nuk do të jenë agresiv nëse ju filloni një bisedë të qetë dhe do të ndiheni më komod jo vetëm në vendin tuaj të punës, por dhe në vende të tjera. Gjithashtu, dua të theksoj se jo të gjithë njerëzit që do të takoni në jetë janë të arsyeshëm dhe do tju pëlqejnë. E rëndësishme është që flisni në mënyrën e duhur dhe të merrni rezultatin që dëshironi.
*Alison Green ka dhënë këshilla për vendin e punës për shumë vite. Ajo ka shkruar artikuj të ndryshëm për sjelljen në punë. Disa nga botimet e saj janë : “Pyesni Menaxherin” , “Shefat hanë drekë”, “Pjesa tjetër e jetës tuaj në punë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
