.png)
Tre dronët Bayraktar, teknologjia më e lartë e fluturimeve për misione ushtarake, policore dhe civile, të blerë në Turqi kanë mbërritur dhe po montohen në Shqipëri, pas firmosjes së marrëveshjes në 21 dhjetor të 2022.
Ministri i Mbrojtjes, Niko Peleshi në një postim në rrjetet sociale, ndau pamjet nga montimi në bazën ajrore të Kuçovës të 3 dronëve “Bajraktar”.
“Vijon puna për montimin e dronëve deri në fluturimin e parë të njërit prej tyre në Bazën e re Ajrore të Nato-s në Kuçovë”, u shpreh ai.
“Përmirësimi i kapaciteteve ushtarake dhe investimet në teknologjinë e mbrojtjes janë dëshmi e përkushtimit tonë ndaj sigurisë kombëtare”, tha Peleshi.
Dronët Bayraktar të njohur për efikasitetin dhe teknologjinë e tyre të avancuar, tashmë janë në Shqipëri. Një ditë më parë ministri Peleshi vizitoi bazën ajrore të Kuçovës, ku pa nga afër punën për montimin e dronëve Bayraktar.
Këta dronë do të jenë në funksion të sigurisë kombëtare, të luftës kundër krimit e kultivimit të paligjshëm të hashashit, të emergjencave civile, mbrojtjes së territorit dhe mbledhjes së informacioneve gjeohapësinore. /ata
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
