.png)
Një studim i ri ka gjetur prova të një lidhjeje midis simptomave depresive të nënës para lindjes dhe ndryshimeve në zhvillimin e trurit të fëmijës së saj të ardhshëm.
“Zhvillimi i sjelljes së fëmijëve, si dhe shëndeti mendor dhe fizik i të rriturve mund të formohen nga simptomat e depresionit të nënës gjatë shtatzënisë”, tha studiuesja Henriette Acosta e Universitetit të Turku në Finlandë.
Ajo thotë se mekanizmat themelore biologjike nuk janë kuptuar ende mirë dhe mund të përfshijnë ndryshime në zhvillimin e fetusit.
Studimi shqyrtoi të dhënat e imazheve neuro nga 28 fëmijë, të cilët u skanuan duke përdorur rezonancë magnetike kur ishin 4 vjeç. Nënat e fëmijëve kishin përfunduar vlerësime të shumëfishta të ankthit dhe simptomave depresive gjatë dhe pas shtatzënisë së tyre.
Acosta dhe kolegët e saj ishin veçanërisht të interesuar në një rajon të trurit të njohur si amigdala, i cili lidhet me çrregullime psikiatrike të tilla si depresioni, stresi post-traumatik, skizofrenia dhe autizmit.
Pas kontrollit për gjendjen e nënës, studiuesit zbuluan se fëmijët kishin tendencë të kishin vëllime më të vogla amigdale të djathta kur nënat e tyre përjetuan më shumë simptoma depresive gjatë shtatëzanisë.
“Simptomat më të larta të depresionit të nënës gjatë shtatëzanisë ishin të shoqëruara me vëllime më të vogla të trurit nënkortikal tek 4-vjeçarët, të cilat ishin më të theksuara tek djemtë sesa tek vajzat. Zona e trurit e prekur, amigdala, luan një rol të rëndësishëm në përpunimin e emocioneve dhe kujtesën”, tha Acosta.
Studiuesit kontrolluan për një numër faktorësh përveç ankthit, duke përfshirë keqtrajtimin në fëmijëri, edukimin e nënës, moshën e nënës, ilaçet para lindjes dhe përdorimin e ilaqeve. Por studimi ka disa kufizime.
“Diçka që nuk e dimë është roli i panjohur i efekteve themelore gjenetike që fëmija trashëgon nga nëna dhe mund të ndikojë në zhvillimin e trurit të fëmijës, si dhe ndjeshmërinë e tyre ndaj stresit dhe depresionit”, shpjegoi Acosta.
Sidoqoftë, studimi tregon se depresioni para lindjes mund të ketë efekte afatgjata në shëndetin e fëmijëve.
“Gjetjet e këtij studimi mbështesin nocionin se shtatzënia përbën një periudhë delikate dhe se mbrojtja e nënës duhet të jetë parësore dhe për faktin se gjendja e saj mendore ndikon në zhvillimin e fëmijës”, tha Acosta.
Burimi: PsyPost. Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje