.png)
Është shuar në moshën 70-vjeçare këngëtari i madh i folklorit grek, Vasilis Karras.
Legjenda e muzikës helene, shumë i dashur për publikun vendas, vitet e fundit, ishte përballur me probleme shëndetësore dhe prej më shumë se 12 muajsh po luftonte me një sëmundje të pashërueshme.
Ditët e fundit, ai ishte shtruar në repartin e terapisë intensive, pasi ishte prekur nga virusi COVID-19. Këngëtari i madh dha frymën e fundit në orën 17:00 të pasdites së të dielës, në prag të Krishtlindjeve, pasi pësoi një goditje në tru.
Karras e regjistroi albumin e tij të parë në vitin 1980, që ishte dhe pikënisja e një karriere 50-vjeçare, plot sukses dhe dashuri nga publiku grek e jo vetëm.
Albumi i tij më i suksesshëm ishte M’echis kani aliti, i publikuar në vitin 1997.
Gjatë karrierës së tij, këngëtari u vlerësua me çmime të shumta, ndërsa punoi me emra të mëdhenj të muzikës dhe ishte aktiv në klubet e natës të Athinës dhe Selanikut.
Vasilis Karras la pas bashkëshorten dhe një djalë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
