.png)
Numri i denoncimeve të incidenteve online është shtuar, krahasuar me një vit më parë.
Në raportin Kombëtar të Incidenteve Online të raportuara gjatë 2024-ës pranë iSIGURT.al, ALO 116 dhe Policisë së Shtetit thuhet se nga 407 raportime për vitin që lamë pas, kryeson Tirana me 196 incidente, të ndjekura nga Durrësi dhe Kukësi. Ndërsa për sa i takon gjinisë, referuar këtij raporti, vajzat vijojnë të mbeten viktimat kryesore, që përbëjnë 62 për qind të rasteve.
Të dhënat e incidenteve të raportuara nga fëmijët dhe adoleshentët gjatë vitit 2024 nga iSIGURT.al tregojnë se 236 raste janë raportuar nga vajza dhe gra dhe 168 nga djem dhe burra.
Nga këto raportime, 209 raste vijnë për TikTok dhe 118 raste për Instagram.
“Në raportin kombëtar të gjitha në faqen e re të iSIGURT.al janë thuajse mbi 10 mijë faqe, profile, komente, url të mbyllura përgjatë një periudhe 10-vjeçare”, deklaroi Altin Hazizaj, Drejtor i Qendrës për Mbrojtjen e të Drejtave të Fëmijëve (CRCA).
Format më të shpeshta mbeten shantazhet përmes fotove dhe videove si dhe bullizmi.
“Realiteti i fëmijëve është i tillë që tregon për një fakt të thjeshtë. Jo vetëm në Shqipëri, por edhe në botë, nuk është një hapësirë e sigurtë për fëmijët”, tha Hazizaj.
Raporti tregon se adoleshentët zënë numrin më të madh të rasteve të denoncuara, ndërsa klasifikimi i incidenteve tregon se përndjekja, kërcënimet dhe shantazhet përbëjnë rrezikun kryesor për të fëmijët dhe të rinjtë me 177 raste, ndërsa bullizmi dhe gjitha e urrejtjes renditen të dytat për vitin 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
