.png)
Nga Gazeta ‘Si’- “Donald Trump është i frustruar me liderët e të dyja palëve, Vladimir Putin dhe Volodymyr Zelensky”.
Kështu u shpreh zëdhënësja e Shtëpisë së Bardhë, Karoline Leavitt, duke iu përgjigjur një pyetje mbi negociatat për armëpushimin dhe paqen në Ukrainë.
Ndërkohë, pas deklaratave të fundit të Donald Trump, presidenti rus Vladimir Putin po zhvillon bisedime me anëtarët e përhershëm të Këshillit të Sigurisë së Federatës Ruse mbi zbatimin e marrëveshjeve me Ukrainën për ndalimin e sulmeve të ndërsjella ndaj sistemeve energjetike.
“Do të doja t’i drejtoja një pyetje ministrit të Mbrojtjes, Andrei Belousov, në lidhje me mënyrën se si po i zbatojmë marrëveshjet për ndalimin e sulmeve të ndërsjella ndaj sistemeve energjetike mes Rusisë dhe Ukrainës,” tha Putin gjatë një takimi me anëtarët e përhershëm të Këshillit të Sigurisë, që u mbajt përmes videokonference.
Në rendin e ditës të takimit përfshihen gjithashtu masa shtesë për të luftuar kërcënimin terrorist, të cilat u paraqitën nga drejtori i FSB-së, Aleksandr Bortnikov.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
