.png)
Shumë prej nesh na është dashur të anullojmë shumë plane për fundvit dhe për disa kjo do të thotë të kalojnë ditët vetëm në shtëpi.
Disa ekspertë, një organizatë për shëndetin mendor dhe dikush që i kalon festat cdo vit vetëm dhe i pëlqen kanë dhënë disa këshilla për njerëzit që po pregatiten ta kalojnë vetëm fundvitin.
Është në rregull të zemërohesh
Nëse jeni vërtet të lidhur me planet tuaja të shkatërruara dhe jeni të trishtuar, është në rregull.
“Jemi në rrethana të jashtëzakonshme dhe mendoj se njerëzit kanë çdo të drejtë të jenë të zemëruar, të zhgënjyer dhe të trishtuar”, thotë Helen Russell, gazetare dhe autore e librit “Si të trishtohemi”.
“Ne duhet të pranojmë dhe t’i japim hapësirë dhe të ulemi me atë trishtim”, thotë ajo.
“Supresioni i mendimeve negative nuk funksionon , ato kthehen me një hakmarrje.”
Ajo thotë se shumë njerëz e konsiderojnë të vështirë ndryshimin, prandaj mos u shqetësoni nëse ndiheni të pavendosur.
Ndryshoni pritshmëritë tuaja
“Ju mund të keni qenë duke pritur një festë të madhe familjare, fundvit perfekt por fatkeqësisht kjo nuk do të ndodhë”, thotë Martha Mills, e cila i kalon festat vetëm çdo vit. Ajo dikur i urrente Krishtlindjet dhe Vitin e Ri por tani mezi pret të kalojë ditën për veten e saj.
“Pranimi se periudha festive e këtij viti do të jetë ndryshe është thelbësore,” thotë ajo.
Ajo sugjeron të ndryshojë mënyrën se si e shikoni ditën:
“Tani mund të rishkruani rregullat dhe të planifikoni diçka ndryshe”. Martha thotë se i trajton ato si ditë “të përshtatshme” të vetë-kënaqësisë dhe kujdesit për veten. Prandaj bëj atë që të pëlqen.
Dhe nëse ka ngjarje ose tradita që nuk mund t’i bësh këtë fundvit, mund të ndihmojë të mendosh për ato më shumë dhe të krijosh vetë një fundvit. Mind, shoqata bamirëse e shëndetit mendor, thotë “shtyjeni fundvitin për vitin e ardhshëm, edhe në verë nëse doni”.
Planifiko, planifiko, planifiko
Mos u zgjo në 1 janar duke mos ditur se çfarë do të bësh.
“Unë e planifikoj cdo gjë në darkë dhe kështu nuk kam surpriza të pakëndshme.” thotë Martha. Planifikimi i ditës së nesërme e ndihmon atë të të jetë më pak e trishtuar. Prandaj, planifikoni atë që do hani për mëngjes, lini ca kohë mënjanë për të lexuar, për një shëtitje, ose një film pasdite, ose duke telefonuar të afërmit.
“Sigurohuni që të keni një ushqim të këndshëm, të keni disa njerëz që i dini se mund të telefononi me video ose thjesht të dërgoni mesazhe dhe sigurohuni që të keni një lloj axhende për ditën.”
Mind gjithashtu rekomandon që të merrni pak kohë për ta bërë shtëpinë tuaj ‘të ndihet’ më mirë.
“Kjo mund të jetë vendosja e dekorimeve, ose fotografi shtesë.”
Mund të jetë aq e thjeshtë sa rregullimi dhe përpiquni të planifikoni diçka të këndshme për të bërë pas Vitit të Ri.
“Të kesh diçka për të pritur vitin e ardhshëm mund të sjellë një ndryshim të vërtetë,” thotë Mind.
Bëni atë që ju bën të lumtur
Kalojeni ditën duke bërë gjërat që ju pëlqen.
“Kjo mund të jetë duke bërë një vrapim në mëngjes, duke luajtur lojëra video ose duke bërë dicka që ju pëlqen,” thotë Mind. Mund të bëni një banjë e nxehtë duke lexuar një libër të mirë, ose një film, veshur me pizhamet tuaja të preferuara.
Blini vetes një dhuratë ose merrni diçka që keni dëshiruar gjithmonë dhe mbështilleni atë për ta hapur më vonë!
“Bëni atë që do t’ju bëjë të ndiheni mirë për sa i përket gjërave shqisore. Më pëlqen të sigurohem që kam një qiri të këndshëm. Është thjesht të jesh i mirë me veten dhe të jesh i butë me veten”, thotë Martha.
Bisedoni me njerëzit e tjerë
Nëse ka njerëz me të cilët dëshironi të flisni, mund të caktoni të flisni në telefon ose përmes thirrjeve me video. Mund të shikoni një film së bashku, ose të bëni një kuiz.
“Aktorja e humorit britanik Sarah Millican bën çdo vit një bisedë në Twitter, të cilën çdokush mund t’i bashkohet,” thotë Mind.
Dhe nëse ndiheni të izoluar ose të trishtuar, provoni të dilni jashtë. Sophie Scott, pedagoge e neuroshkencës kognitive në Universitetin e Londres thotë se dalja jashtë, edhe nëse ecën vetëm rreth rrugicës së lagjes është “një nga gjërat më të mira që mund të bësh për trurin dhe gjendjen tënde shpirtërore”.
Hani atë që dëshironi
Nëse e doni mishin e gjelit dhe ende mund ta merrni një nga dyqani, atëherë bëjeni. Nëse e urren këtë, blini diçka tjetër. Nuk ka rregulla në lidhje me atë që duhet dhe nuk duhet të hani, kështu që merrni disa ushqime që mëzi prisni të hani.
“Planifikoni të shijoni ushqimin ose pijen tuaj të preferuar”, thotë Mind. Nuk ka pse të jetë darkë.
“Mund të jetë një mëngjes i veçantë ose disa pije freskuese interesante. Mund të jetë një justifikim i mirë për të mos ngrënë ushqime tradicionale të Vitit të Ri.”
“Nëse doni të hani vetëm sallatë për drekë, ose të hani gjalpë kikiriku për mëngjes, atëherë bëjeni”, shton Martha.
Mos festoni fare
Sigurisht, ju mund të vendosni të mos festoni Vitin e Ri fare këtë vit. Mund ta trajtoni sikur është ndonjë ditë tjetër.
“Kjo mund të ndjehet më pak sesa të përpiqesh të festosh vetëm,” thotë Mind.
Nëse vendosni ta kapërceni atë, Mind thotë se mund t’i tregoni të tjerëve planin tuaj. Thuaj që je i lumtur të flasësh me to për Vit të Ri por thuaju atyre “se mund të të mbështesin duke e trajtuar si çdo ditë tjetër dhe duke mos përmendur festat”.
Nëse po planifikoni të jepni dhurata, këmbeni ato paraprakisht dhe Mind këshillon të qëndroni larg mediave sociale për të shmangur postimet dhe të përpiqeni të shmangni reklamat në TV ose në internet.
“Është e rëndësishme të kuptosh se Viti i Ri është vetëm një ditë dhe ajo shpejt do të mbarojë,” thotë Martha.
Burimi: BBC. Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
