Pjesë e konkurentëve në ‘The Voice Australia” ishte edhe një 16-vjeçare nga Kosova, Sihana Haxhnikaj e cila konkurroi me këngën e Miley Cyrus “Nothing breaks like a heart”. Menjëherë sapo filloi të këndonte, ajo tërhoqi vëmendjen e të gjithë publikut, i cili e duartrokiti pafund. Ndërsa nga juria, edhe pse të gjithë e pëlqyen, e vetmja që shtypi butonin ishte Rita Ora.
Pasi e pyet për emrin, Rita Ora e pyeti shqiptaren se nga është me origjinë dhe sapo ajo i thotë se është nga Kosova, Rita Ora bën reagimin epik duke e pyetur 16-vjeçaren shqip “Zemër si je? Mirëmbrëma”.
Më pas Rita Ora u shpreh shumë e lumtur që Sihana ishte pjesë e grupit të saj tashmë duke i thënë pjesës tjetër të jurisë se “në anët tona, kur takojmë dikë që është nga i njëjti vend, i themi kushëri kështu që Sihana është si kushërira ime”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
