.png)
Nga Gazeta ‘SI’ – Shqipëria është përmirësuar me 8 vende në Indeksin Global të Konkurrueshmërisë së Talenteve për vitin 2022, duke u renditur në vendin e 65-të nga 133 shtete të analizuara.
Pika ku Shqipëria vlerësohet më ulët është ajo e ruajtjes së talenteve, në vend të 68-të, ku si elementi më negativ përcaktohet ai i mbrojtjes sociale dhe “mbrojtjes së trurit”. Më keq vlerësohet treguesi për aftësitë/njohuritë globale, në vende të 85-të.
Për aftësitë profesionale dhe teknike, Shqipëria zë vendin e 58-të dhe në treguesin e rritjes së talentit, vendin e 59-të.
Nga të dhënat Shqipëria lë pas Maqedoninë e Veriut, të renditur në vend të 68-të dhe Bosnjë Hercegovinën, të renditur në vend të 88-të. Por lihet pas nga Serbia, 52 dhe Mali i Zi, 47, që ka edhe pozicionimin më të mirë në rajon.
Indeksi Global i Konkurrueshmërisë së Talenteve publikohet çdo vit nga “Shkolla e Biznesit për Botën” dhe mat se si shtetet rriten, tërheqin dhe ruajnë talentin, duke i siguruar atyre një ambient të përshtatshëm për të zhvilluar strategji dhe për të qenë më të konkurrueshëm.
Gjatë vitit 2021, Shqipëria renditej në vend të 73-të mes 134 vendeve në total.
Ndërkohë në nivel global, vendin e parë në këtë renditje e mban Zvicra, Singapori dhe Danimarka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
