.png)
Nga Gazeta ‘SI’ – Shqipëria është vendi që ka shpenzuar më pak në Europë, për kërkime dhe zhvillime inovative, sipas Eurostat. Shifrat e fundit të disponueshme janë të vitit 2022, ku Shqipëria ka shpenzuar në këtë drejtim vetëm 0.05% të PBB-së.
Mesatarja europiane është 2.22%. As fqinjët nuk e arrijë këtë vlerë, por janë më lartë se vendi ynë.
Vendin e parë e mban Serbia, me 0.97% të PBB-së. Bosnjë Hercegovina dhe Maqedonia e Veriut e kanë këtë tregues përkatësisht 0.19 dhe 0.37% e PBB-së për vitin 2021 dhe 2020. Mungojnë të dhënat për Malin e Zi dhe Kosovën.
Sipas raportit të fundit të Komisionit Europian për zgjerimin në kapitullin “Shkenca dhe kërkimi”, Shqipëria rriti fondet për kërkimin shkencor në 0.08% të PBB-së në 2023, nga 0.05% në 2022 dhe 0.04% në 2021, megjithatë kjo është ende shumë nën objektivin 1% të PBB-së deri në vitin 2030.
Financimi i kërkimit si përqindje e shpenzimeve publike arriti në në 0.17% të PBB-së në 2022. Agjencia Europiane i kërkon Instat të ketë të dhëna më të sakta në kërkimin shkencor dhe inovacionin.
Sipas Eurostat, në vitin 2022, BE-ja shpenzoi 352 miliardë euro për kërkime dhe zhvillim (R & D – Research and Development), 6.34% më shumë se në vitin e kaluar (331 miliardë euro) dhe 48.52% më shumë se në 2012 (237 miliardë euro).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
