.png)
Turqia është tronditur nga një sulm terrorist në Ministrinë e Punëve të Brendshme. Si pasojë e sulmit terrorist kanë humbur jetën 2 policë, ndërsa një tjetër ka mbetur i plagosur lehtë.
Disa media turke raportojnë se shpërthimi është përcjellë me disa shtëna armësh. Sipas burimeve nga CNN Turk, shpërthimi ndodhi në një automjet ngjyrë gri. Gjithashtu mësohet se pas shpërthimit ka pasur edhe të shtëna armësh.
Shkaku i shpërthimit në afërsi të Parlamentit turk dhe ministrisë së Brendshme, nuk dihet akoma.
BREAKING:
— Visegrád 24 (@visegrad24) October 1, 2023
Terror attack against the Turkish Ministry of Interior in Ankara.
The attackers used automatic rifles and suicide vests.
pic.twitter.com/TLArhu5rsT
Explosions and Gunfire have been heard this morning near the Parliamentary Building in the Turkish Capital of Ankara; a Significant Police and Military Presence has been observed in the Area but it is Unknown what exactly the ongoing Situation is. pic.twitter.com/dzSFxdHDg9
— OSINTdefender (@sentdefender) October 1, 2023
Dy ishin agresorët, njëri prej të cilëve vdiq pasi hodhi veten në erë me bombë, ndërsa tjetri u neutralizua nga efektivët e policisë. Dy terroristët shkuan pranë Ministrisë së Brendshme me një automjet gri dhe njëri prej tyre shpërtheu bombën. Forca të shumta policie dhe autoambulanca shkuan menjëherë në vendin e ngjarjes.
Ministri i Punëve të Brendshme, Ali Yerlikaya, në deklaratën e tij në llogarinë e tij në rrjetet sociale tha se ngjarja ndodhi rreth orës 09:30, ndërsa i uroi shërim të shpejtë efektivit të plagosur.
“Rreth orës 09:30, dy terroristë të cilët erdhën me një automjet para portës së hyrjes së Drejtorisë së Përgjithshme të Sigurisë së Ministrisë sonë të Punëve të Brendshme, kryen një sulm me bombë. Njëri nga terroristët hodhi veten në erë, ndërsa terroristi tjetër u neutralizua. Gjatë zjarrit u vranë dy policë. Pjesëtari ynë u plagos lehtë. Uroj shërim të shpejtë për heronjtë tanë”, shkroi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
