.png)
Gazeta Si – Reagime të ashpra nga kampi portugez pas eliminimit nga Botërori i Katarit. Humbjen 1-0 ndaj Marokut në çerekfinale ata ia kanë faturuar gjykimit dhe sipas tyre është e papranueshme që ajo ndeshje të arbitrohej nga një argjentinas.
Mbrojtësi Pepe, pas humbjes me Marokun u shpreh: “Është e papranueshme që këtë ndeshje e drejtoi një arbitër argjentinas pas asaj që ndodhi një ditë më parë në ndeshjen Holandë-Argjentinë. Mesi u ankua për gjykimin. Dhe me atë që pashë në ndeshjen tonë, le t’ia japin Kupën Argjentinës”.
Jo vetëm Pepe, edhe Bruno Fernandes ka dalë hapur kundër FIFA-s në lidhje me caktimin e argjentinasit Fakundo Telo si arbitër i ndeshjes Portugali-Marok.
Bruno Fernandes: "I don't know if they're going to give the cup to Argentina. I don't care, I'm going to say what I think and screw them."
— EuroFoot (@eurofootcom) December 10, 2022
"It's very strange that a referee from a team that whistles us it's still in the Cup. They've clearly tilted the field against us." pic.twitter.com/YZksZU1quz
“Nuk më plas fare, do ta them atë që mendoj. Nuk e di pse nuk shkojnë t’ia japin Kupën Argjeëntinës. Është shumë e çuditshme se si në ndeshjen tonë caktojnë një arbitër argjentinas, një arbitër nga një vend që ka skuadrën e vet në garë për trofeun”, – shkruante lojtari i Mançester Junajtid në profilin e tij në Tuiter.
Në ndeshjen mes Portugalisë dhe Marokut ishin disa episode, ku luzitanët pretenduan për penallti, por arbitri nuk i mori në konsideratë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
