Gazeta Si – Një 24-vjeçar është plagosur me armë zjarri pasditen e së shtunës në Shkodër në lagjen “Salo Halili” të këtij qyteti.
Policia thotë se i plagosuri është identifikuar si Jaser Osmani, i cili është qëlluar pranë banesës së tij rreth orës 16:00 gjatë një konflikti të çastit.
Ndërkohë, bëhet më dije se autori i dyshuar është një 46-vjeçar, me iniciale G.M., banues në Shkodër, i cili është shpallur në kërkim.
I riu dyshohet se është plagosur në kofshë me armë zjarri pistoletë dhe po merr ndihmë mjekësore në Spitalin Rajonal të Shkodrës, ku ndodhet jashtë rrezikut për jetën. Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit.
Grupi hetimor në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
