.png)
Me 10 vota pro dhe një kundër, Këshilli i Lartë i Prokurorisë ka shkarkuar nga detyra Prokurorin e Krujës, Bujar Memia.
Shkarkimi i tij u kërkua nga Inspektoriati i Lartë i Drejtësisë, pasi ai kishte favorizuar lirimin e të dënuarit me burgim të përjetshëm, Hekuran Billa (i vrarë në një atentat para pak kohësh në Tiranë).
Memia, dyshohet se ka bashkëpunuar me ish-gjyqtaren e Krujës, Enkelejda Hoxha (vijon të në burg) për lirimin e Billës.
Inspektori, ka argumentuar se prokurori Memia, kreu shkelje të ligjit dhe cenoi figurën e magjistratit.
Në kërkesën drejtuar KLP, ILD shprehej se ka shqyrtuar mbi 25 vendime, ku prokuror ka qenë Bujar Memia dhe kishte dalë në përfundimin, se ai nuk kishte ushtruar detyrën në përputhje me Kushtetutën dhe ligjin.
Ndërkohë, anëtari i vetëm që votoi kundër shkarkimit të Memias, është Nurihan Seiti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
