Largohet tre muaj pas emërimit si drejtor i përgjithshëm i tatimeve, Enton Duro. Vendimi është marrë në mbledhjen e radhës nga Këshilli i Ministrave.
Burimet bëjnë me dije se largimi nga detyra ka ardhur për shkak të performancës së dobët në mbledhjen e të ardhurave.
Tatimet kanë reflektuar performancë të dobët këtë vit.
Në pesë muajt e parë të vitit, të ardhurat nga Tatimet ishin 61.9 miliardë lekë, me një rritje prej 5.8%, duke rezultuar 1.3% ose rreth 800 milionë lekë më pak se plani.
Zëri me ecurinë më negative ka qenë ai i TVSH-së, me një rënie prej 12% në raport me janar-maj të një viti më parë, që është kompensuar me rritjen e të ardhurave nga tatim fitimi dhe tatimi mbi të ardhurat personale.
Më e dobët ka qenë performanca e doganave, me të ardhurat që u rritën vetëm 0.5% me bazë vjetore për 5-mujorin, ose rreth 2 miliardë lekë më pak se plani.
Enton Duro zëvendësoi në këtë detyrë Vasilika Vjeron, e cila udhëhoqi tatimet për tre vjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
