Komisioni i Pavarur i Kualifikimit ka shkarkuar nga detyra gjyqtaren e Apelit të Tiranës, Flutura Skënderi.
Problem për gjyqtaren Skënderi ka qenë pasuria e saj, pasi nuk mbulonte nga të ardhurat 2.8 milionë lekë.
Gjyqtarja Skënderi doli para trupës së KPK, në seancë dëgjimore, dy ditë më parë, dhe nga hetimi në të trija kriteret, pastërtia e figurës, aftësitë profesionale dhe pasuria, ka shfaqur probleme me këtë të fundit.
Gjatë seancë dëgjimore në KPK, u tha “se ka pasur disa mungesa në deklarimin e pasurisë dhe për marrëdhënies me një shoqëri tregtare. Rezulton se nuk mbulon me të ardhura një shumë prej 2.8 mln lekësh e përllogaritur ndër vite. Problematika u ngritën dhe për shkollimin e vajzës, së pari në Maltë dhe më pas masterin në Britaninë e Madhe. Sipas KPK nuk ka pasur mundësi për të mbuluar shpenzimet e vajzës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
