.png)
Nga Gazeta ‘SI’ – Muaji gusht raporton 3.36 mln hyrje në Shqipëri me rritje 8.4% nga gushti i vitit 2024.
Rreth 2.4 mln hyrje janë shtetas të huaj, thotë INSTAT, me rritje vjetore 9.9% dhe pjesa tjetër vendas, me rritje 5.1%. Europianët zënë 97% të hyrjeve të huaja, ku dominon Europa Jugore me 77% dhe Europa Perëndimore me 9%. Për 99% të rasteve, hyrjet në Shqipëri janë kryer me qëllime personale ose pushime.
Shifrat tregojnë se interesi i shqiptarëve për të dalë jashtë vendit është rritur me 10.3% përkthyer në 994 mijë dalje. Për të huajt regjistrohen 2.34 dalje.
Për të gjithë tetëmujorin janar-gusht 2025, në Shqipëri regjistrohen 14.6 mln hyrje, 5.9% më shumë se një vit më parë, por me një trend rritës më të ulët. Në të njëjtën periudhë të 2024-s, hyrjet në Shqipëri ishin rritur me 17.6%.
Një ngadalësim i dukshëm vërehet edhe tek vizitorët e huaj, që në periudhën janar-gusht 2025 u rritën me 5.2% ndërsa në 2024-n me 18.7%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
