.png)
Nga Gazeta ‘SI’ – Shqipëria është vendi që ka numrin më të madh të familjeve që jetojnë në kushte të papërshtatshme.
Në një raport të Eurostat me të dhëna nga 2021-shi, që krahason jetesën vendet e Europës, rreth 35% e familjeve shqiptare nuk ngrohin dot shtëpitë e tyre, shifra më e lartë. Mesatarja e BE-së për këtë tregues është më pak se 10%.
Mundësia për të ngrohur shtëpinë varet nga një sërë faktorësh, duke përfshirë gjendjen e përgjithshme të ndërtesës, temperaturën e jashtme dhe koston e energjisë.
Eurostat tregon se Shqipëria është pjesë e vendeve me shtëpi të mbipopulluara, ashtu si shumica e vendeve në Europën Juglindore, mbi 30%. Pra, këto familje kanë më shumë anëtarë në raport me hapësirën e banesës.
Por, Shqipëria mban vendin e parë edhe për posedimin e një banese në të gjithë Europën, rreth 95% e njerëzve jetojnë në banesat e tyre dhe jo qiramarrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
