.png)
Nga Gazeta Si- Një 52-vjeçare është arrestuar pasi akuzohet se shfrytëzonte tre vajza për prostitucion në lokalin e saj në rrugën “Kastriotët” në Tiranë.
Sipas uniformave blu, 52-vjeçarja L. S. shfrytëzonte për prostitucion me klientë të ndryshëm të lokalit, 20-vjeçaren M. B, si edhe dy shtetaset me iniciale O. B., 34 vjeçe, dhe M. Dh., 19 vjeçe.
Pas hetimeve, është vendosur në pranga menaxherja e lokalit për veprat penale “Prostitucioni”, “Shfrytëzimi i prostiucionit”, dhe “Mbajtja e lokaleve për prostitucion”, si edhe 20-vjeçarja M. B. për veprën penale “Prostitucioni” dhe dy të tjerat do procedohen penalisht.
Ndërkohë janë sekuestruar 2 automjete, 2 aparate celulare dhe shuma parash, të dyshuara të përfituara nga kjo veprimtari kriminale.
Nga veprimet hetimore të kryera ka rezultuar se shtetasja L. S., ka në menaxhim një lokal në rrugën “Kastriotët”, në të cilin mbante shtetaset M. B., O. B., dhe M. Dh., dhe i shfrytëzonte për prostitucion, me klientë të ndryshëm të lokalit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
