.png)
Gazeta Si – Një bast në fushë gjatë ndeshjes Poloni-Argjentinë, në lidhje me penalltinë e Mesit. E ka zbuluar vetë protagonisti tjetër pas ndeshjes, porieri Vojcieh Shezni në një intervistë për televizionin norvegjez ‘TV2’.
Një bast, që ndoshta e nervozoi yllin argjentinas dhe ndihmoi portierin polak të priste penalltinë. “Folëm para penalltisë, – tha Shezni. – I thashë ‘vë bast 100 euro që arbitri nuk do të japë penallti’ kur ai pa VAR-in. Dhe e humba bastin me Mesin”.
Shezni më pas shpjegoi: “Nuk e di a lejohet kjo në Botëror, ndoshta mund të ndëshkohem. Por nuk më intereson dhe as do ta paguaj. Atij nuk i interesojnë 100 euro”.
Për kënaqësinë personale, portieri i Juventusit ka thënë: “Është bukur t’i presësh penalltinë atij që mendoj se është futbollisti më i mirë i të gjitha kohërave. Si portier, ndoshta është ndjenja më e mirë që mund të provosh dhe aq më shumë kur ndodh në një Kupë Bote. Është shumë bukur”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
