Gazeta Si – Një kamerier 17-vjeçar, është rrahur brutalisht në ambientet e tij të punës nga 3 të mitur. Ngjarja e rëndë ndodhi rreth orës 00:45 minuta, në një piceri në qendër të qytetit të Beratit dhe në sherr janë përfshirë 4 të mitur.
Dyshohet se për motive të dobëta, 2 vëllezër 16-vjeçarë me inicale R.Q. dhe G.Q. si dhe një 16-vjeçar tjetër me iniciale I.B., janë konfliktuar fizikisht dhe kanë goditur me sende të forta një 17-vjeçar që punonte në këtë piceri.
Shërbimet e Policisë kanë shoqëruar menjëherë në ambientet e komisariatit tre 16-vjeçarët me të cilët po kryhen veprimet e mëtejshme procedurale, në praninë e psikologut dhe prindërve të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
