Një ngjarje e rëndë ka ndodhur në Bulqizë ku një 21-vjeçar ka mbetur i vrarë pas një sherri me thika.
Ngjarja është regjistruar paraditen e sotme rreth orës 10:00 në qendër të qytetit.
Mësohet se 21-vjeçari ka mbetur i vrarë pas një sherri me thika me një 22-vjeçar.
Viktima ka mbetur Arlind Pasha, i cili ka humbur jetën rrugës për në spital, ndërsa autori është Fatjon Keta, i cili dyshohet të jetë me probleme mendore.
Policia në një njoftim të dytë bën me dije se rreth 1:30 minuta në ndjekje të autorit, ka bërë të mundur kapjen dhe arrestimin e tij.
Në Komisariatin e Policisë Bulqizë është shoqëruar për t’u marrë në pyetje edhe vëllai i autorit të dyshuar, shtetasi E. K, i cili ka qenë prezent në konflikt. Materialet hetimore do t’i kalojnë Prokurorisë së Rrethit Gjyqësor Dibër për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
