.png)
Rregullatori shëndetësor në Shtetet e Bashkuar ka hequr pauzën 11-ditore për vaksinën kundër COVID-19 Johnson & Johnson, por shtoi se do të shtohet një paralajmërim se kjo vaksinë mund të shkaktojë mpiksje të gjakut.
Qendrat për Kontrollin dhe parandalimin e Sëmundjeve më herët kishin miratuar këtë vaksinë për përdorim. Por, 15 persona që e kishin marrë këtë vaksinë, kishin pasur mpiksje serioze të gjakut.
Ky vendim do të thotë se të paktën dhjetë milionë doza të Johnson & Johnson që gjenden në fabrikën e kësaj kompanie në Holandë, do të mund të dërgohen menjëherë në SHBA.
Sipas Qendrave për Kontrollin dhe Parandalimin e Sëmundjeve, personat që kishin përjetuar mpiksje të gjakut ishin gra të moshës 50 vjepe.Po ashtu, gjatë kësaj jave, rregullatori evropian i barnave hoqi kufizimet për këtë vaksinë. Ky institucion tha se edhe Johnson & Johnson, por edhe vaksina e AstraZenecas rrallë shkaktojnë mpiksje të gjakut, por përfitimet nga vaksinat janë më të mëdha se rreziqet.
Vaksina e Johnson & Johnson administrohet përmes një doze të vetme. Para se të pezullohej për përdorim, në SHBA këtë vaksinë e kishin marrë pothuajse tetë milionë persona. /REL
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje