Janë vënë në pranga dy burra nga fshati Cakran i Fierit pasi për disa muaj me radhë kishin shantazhuar dhe i kërkonin favore seksuale një gruaje.
Të dy personat me inicialet G.M, 44 vjeç dhe J.Sh, 46 vjeç, banues në Cakran u arrestuan nga policia në kuadër të operacionit të koduar “Koshovica” pasi e kërcënon gruan nga Fieri se do t’i publikonin në rrjetet sociale disa foto të saj personale.
Aksioni në fjalë u zhvillua nga efektivët e Fierit, në bashkëpunim me Drejtorinë Kundër Krimeve ndaj Personit dhe Pronës në Departamentin e Policisë Kriminale, nën drejtimin e Prokurorisë për Krimet e Rënda Tiranë, pas një hetimi disa javor.
Bëhet me dije se të dy të arrestuarit do të hetohen nga Prokuroria për Krimet e Rënda Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
