Serialet më të bukur të Netflix bazuar në histori të vërteta

Zakonisht, në momentin që hapim Netflix, ne kërkojmë histori të trilluara që na bëjnë të arratisemi nga realiteti dhe fryt i imagjinatës së gjallë të regjisorëve apo skenaristëve. Histori jashtë të zakonshmes në gjendje të na tërheqin në botë fantastike dhe, ndoshta, pak më të bukura se ajo në të cilën jetojmë. Por ka edhe lloje të tjera historish, ato reale, që Netflix po i tregon gjithnjë e më shpesh dhe që kanë të njëjtën fuqi komunikuese dhe aftësi katartike të historive të trilluara, në mos edhe më të mëdha.

Përveç fiction, në fakt, në Netflix ka shumë histori të tjera që marrin të gjithë thelbin e tyre nga ngjarjet e vërteta dhe që shpesh janë në gjendje të godasin dhe të bëjnë jehonë në audiencë shumë më tepër sesa një histori e shpikur. Këta nuk janë dokumentarë, por histori të trilluara të frymëzuara, megjithatë, nga realiteti që mund të përfshijnë aq shumë saqë nuk janë më në gjendje të shkëputen nga vizioni i tyre.

Në këtë periudhë të fundit Netflix na ka dhënë disa tituj të bazuar në histori të vërteta duke përfshirë dy nga serialet më të mira televizive jo vetëm të këtij viti, por ndonjëherë. Dhe nëse ju pëlqen të zhyteni në realitet, ja cilat seriale të zgjidhni nga katalogu i pafund i Netflix.

Painkiller

Nëse jeni duke kërkuar për një serial të frymëzuar nga një histori e vërtetë ndër më të bukurat e realizuar nga Netfix, Painkiller është zgjedhja e duhur për ju. Ky serial prej gjashtë episodesh merr shkas nga një lajm në SHBA që përfshinte kompaninë farmaceutike Purdue Pharma, prodhuese e Oxycontin, një ilaç i përshkruar nga mjekët, të nxitur nga ryshfetet nga e njëjta kompani, duke e ditur se pilulat e këtij qetësuesi dhimbjeje do të krijonin varësi.

Prandaj, të sëmurët, për të lehtësuar dhimbjen, bëheshin narkomanë të vërtetë dhe shtyheshin të kërkonin vazhdimisht drogën në tregun e zi dhe madje ta zëvendësonin me heroinë, e cila ishte më pak e kushtueshme dhe rrezikonte vdekjen nga mbidoza. E ashtuquajtura kriza opioid, në fakt, është një nga krizat amerikane më të rrezikshme që ka shkaktuar një masakër në 20 vitet e fundit me mbi 500,000 viktima.

“Painkiller” befason për aftësinë e tij për të qenë të thellë, dramatik dhe me ndikim në rrëfimin e një historie tragjike, e cila, megjithatë, të mban të mbërthyer pas ekranit, sepse shfaqet nga këndvështrime të shumta, nga ajo e viktimave deri tek autorët e deri te bota e drejtësisë. Një perlë e vërtetë që nuk duhet humbur.

Dahmer

Nuk mund të mos përmendnim “Dahmer”, ndër serialet më të mira të Netflix të bazuara në histori të vërteta. Një kryevepër e vërtetë e lindur nga syri vigjilent i Ryan Murphy, i cili në një kohë shumë të shkurtër është kthyer në një nga serialet më të ndjekur ndonjëherë në platformën e transmetimit, duke goditur publikun për brutalitetin dhe në të njëjtën kohë sofistikimin e tij. Historia e treguar është ajo e një prej vrasësve serialë më të këqij në Shtetet e Bashkuara, Jeffrey Dahmer, i ashtuquajturi kanibal i Milwakee, i cili midis viteve 1978 dhe 1991 vrau shtatëmbëdhjetë viktima të pafajshme me egërsi.

Seriali hedh dritë mbi këto krime të tmerrshme, duke tërhequr vëmendjen te viktimat e neglizhuara dhe komunitetet e prekura nga racizmi sistematik dhe paaftësia e policisë që lejoi një nga vrasësit serialë më famëkeq të Amerikës të kryente vrasje në dritën e diellit për më shumë se një dekadë.

The Watcher

Ndër serialet më të mirë të Netflix të bazuar në histori të vërtetë, nuk mund të mos ishte edhe një produkt tjetër i Ryan Murphy i bazuar në një histori të vërtetë bashkëkohore, “The Watcher”, një thriller që është në gjendje t’ju mbajë të mbërthyer në ekran. Ky titull, në fakt, merr frymëzimin e tij nga historia e vërtetë e një përndjekësi misterioz që terrorizon banorët e një shtëpie në periferi të Nju Jorkut, vilës në Bulevardin 657, me letra kërcënuese të firmosura me pseudonimin “Observer”.

Për ta bërë edhe më magjepsëse këtë histori është fakti se burri ende nuk është identifikuar nga policia dhe vazhdon, edhe tani, t’u dërgojë letra banorëve aktualë të të ashtuquajturës “shtëpia e përhumbur”.

Një serial intrigues dhe magjepsës me një interpretim të mrekullueshëm nga Naomi Watts, por mbi të gjitha Bobby Cannavale në rolin e protagonistit Dean, një njeri i fiksuar pas zgjidhjes së këtij misteri që nuk mund të ecë përpara në jetën e tij sepse është bllokuar në planin perfekt të një përndjekësi të padukshëm. Më tej, pronarët aktualë të shtëpisë kanë deklaruar se nuk duan ta shohin serialin, si dhe pronarët e mëparshëm, pra familja që përfaqësohet në këtë titull të Netflix.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.