Gazeta Si – Ka një sekret në familjen e Alice Weidel, që ajo nuk e ka treguar kurrë dhe ndoshta nuk do ta dimë kurrë nëse ajo e dinte.
Gjyshi i saj ishte një udhëheqës i rangut të lartë nazist, një gjykatës ushtarak, një nga ata që dërguan në vdekje 50 mijë kundërshtarë të regjimit, si dhe një njeri SS përpara se Hitleri të vinte në pushtet.
Dhe ky nuk mund të jetë një detaj për kreun e AfD-së, Partisë së Ekstremit të Djathtë, e cila kandidon për të udhëhequr Gjermaninë, veçanërisht në një parti që pretendon se vendi duhet të largohet nga “kulti i turpit” për të kaluarën e tij.
Është një hetim i gjatë nga gazeta “Welt am Sonntag”, e cila shqyrtoi dokumente të pabotuara në arkivat polake dhe RDGJ, për të përshkruar figurën e Hans Ëeidel, gjyshit nga babai i Alices, i cili vdiq në vitin vitin 1985, kur ajo ishte 6 vjeçe.
Kyetarja e AfD-së, tha se marrëdhëniet me të ishin prishur. Megjithatë, në të kaluarën ajo ishte ankuar për trajtimin e padrejtë të familjes së saj, e detyruar të largohej nga territoret e Silesisë si miliona gjermanë pas shkatërrimit nazist.
Hans Weidel, avokat, ishte një eksponent i lartë i Nsdapit në Leobschütz – qyteti i origjinës së familjes, emri polak i së cilës Alice dikur tha se nuk donte ta dinte (Glubczyce) – në vitin 1941 ai punoi për ushtrinë deri në postin e shefit të rangut të lartë, Gjykata e Shtabit të Përgjithshëm (Oberstabsrichter).
Nominimi u nënshkrua në prill 1942 nga Adolf Hitler. Pas luftës, ai iku në Perëndim dhe u thirr në gjyq tre herë, duke arritur të fshehë aktivitetet e tij.
Në dëshmitë e betuara, ai pretendonte se “nuk kishte njohuri për krimet e SS-ve”, se nuk e kishte idenë se çfarë kishin vuajtur hebrenjtë. Ai i shpëtoi gjyqeve dhe mbeti avokat.
Sigurisht, ka miliona gjermanë që kishin gjyshërit nazistë, madje edhe ministrja e Jashtme, Annalena Baerbock e zbuloi së fundmi këtë. Deri më tani, brezat e mëpasshëm të politikanëve e kanë dënuar atë të kaluar.
Linja e AfD-së është shumë më e paqartë. Në të vërtetë, siç thonë studiuesit ekstremistë të djathtë, si Steffan Mau dhe Ilko-Sascha Koëalchuk, është pikërisht në “amnistinë” e veprimeve të anëtarëve të familjes, në kujtimin e vuajtjeve – në këtë apel për të mos u turpëruar, duke u mbrojtur nga ndjenjat private – një nga risitë më të rëndësishme, me të cilat AfD dëshiron të rishkruajë marrëdhëniet e gjermanëve të një pjese të tyre, me të kaluarën e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
