Administrata Amerikane e Ushqimit dhe Barnave(FDA) dha autorizim për përdorim urgjent të testit të pështymës të zhvilluar nga Shkolla e shëndetit publik në Yale, SHBA. Testi i ri mund të zbulojë nëse je mbartës i Covid-19 vetëm në pak minuta.
“SalivaDirect, testi i pestë i pështymës i aprovuar nga FDA për sëmundjen, nuk kërkon pajisje shtupë ose mbledhje dhe përdor pështymë nga njerëz të dyshuar se kanë koronavirus,” deklaroi agjencia.
Kryetari i FDA, Stephen Hahn e quajti testin “thelbësor” në efikasitetin e tij. Sipas tij SalivaDirect është parë si një metodë e lirë, më e thjeshtë dhe më pak invazive e testimit që nuk kërkon ekstraktim të acidit nukleik dhe që mund të përdorë disa reagentë të gatshëm.Testi u provua fillimisht në stafin e disa skuadrave futbolli amerikanë.
“Ne e thjeshtësuam testin në mënyrë që të kushtojë vetëm disa dollarë për reagentë dhe presim që laboratorët të paguajnë vetëm rreth 10 dollarë për mostër,” tha Nathan Grubaugh, profesor në Shkollën e Shëndetit Publik Yale.
Një nga qëllimet e ekipit të hulumtimit ishte të eliminonte nevojën e tubave të shtrenjta të grumbullimit të pështymës dhe një studim i veçantë zbuloi se virusi është i qëndrueshëm në pështymë për periudha të gjata në temperatura të ngrohta dhe se tubat speciale të testimit nuk ishin të domosdoshëm. FDA tha që testi mund të ulë rrezikun për punonjësit e kujdesit shëndetësor nga grumbullimi i mostrave, pasi ai vetë-mblidhet nën vëzhgimin e një profesionisti të kujdesit shëndetësor.
Burimi:Haretz/ Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
