.png)
Beteja e radhës e kryedemokratit Sali Berisha është mbrojtja e votës, duke dokumentuar shkeljet që janë bërë në çdo qark.
Në takimin me drejtuesit e qarqeve, Berisha tha se tashmë ka vetëm një detyrë madhore: mbrojtja e votës. Kjo duke paraqitur çdo gjë me prova dhe dokumenta krimet elektorale.
Berisha tha se zgjedhjet u rrëmbyen dhe këtë e panë çdo shqiptar dhe jo vetëm ata.
“Zgjedhjet u rrëmbyen nga një narkodiktator që me një fuqi të madhe korruptive, mendon se do mund të qëndrojë mbi mandatin e tij të krimit. Detyra numër një e jona tani është: Në këtë fazë është mbrojtja e votës duke paraqitur dhe faktuar të gjithë universin kriminal në të gjitha qarqet”, tha Berisha, duke shtuar se kjo është beteja për fatin vendimtar të Shqipërisë dhe demokracisë.
“Betejë të cilën do ta fitojmë, sepse sot nuk ka shqiptar që nuk beson se si me vendime qeverie u grabitën zgjedhjet”, shtoi Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
