.png)
Gazeta Si – Shefi i regjimit të brendshëm të burgut në Lushnjë, Irakli Leka është arrestuar, pasi dyshohet se merrte para nga të dënuarit në këmbim të dhënies së lejes së përkohshme për ta.
Në reagimin zyrtar të Drejtorisë së Burgjeve, po ashtu është bërë me dije se janë pezulluar nga puna drejtori Elvin Kurti dhe nëndrejtori Roland Duro i burgut të Lushnjës.
Irakli Leka u ekspozua në emisionin investigativ ‘Stop’, teksa u filmua duke marrë 700 euro në këmbim të lejes 5 ditore për një të burgosur. Menjëherë pas publikimit të pamjeve filmike, policia ka bërë të mundur arrestimin e Lekës.
Sipas njoftimit, ndaj tij rëndojnë akuzat për “shpërdorim detyre” dhe “korrupsion pasiv”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
