.png)
Për protestën e sotme ka ardhur dhe një reagim nga deputetja Rudina Hajdari.
Me anë të një postimi në rrjetet sociale, Hajdari ka sulmuar kryedemokratin Basha dhe ka kundërshtuar protestën e opozitës.
Këtë lloj demokracie të Bashës dhe mbështetësve të tij ajo e ka cilësuar surreale dhe ka theksuar se ndërkombëtarët po qeshin me këtë mënyrë manifestimi.
“Zyra e Kryeministrisë dhe Parlamenti i Shqipërisë do të vazhdojnë të jenë të përfshira nga zjarri gjatë natës – për shkak të bombave me Molotov që u hodhën hodhën dhe krijuan këtë pështjellim të kohëve të largëqoftit.
Prap ne, njerëzit do ti paguajmë! Por për këtë e di që nuk u bëhet vonë…
Ndërkombëtarët – që dëshirojnë të na afrojë më shumë drejt anëtarësimit në BE – po qeshin me demokracinë surreale që është në kokën tuaj dhe një zot e di se në të kujt tjetër”, shprehet Hajdari.
Hajdari më tej shton se babai i saj, Azem Hajdari nuk do ta mbështeste këtë që po ndodh sonte.
“Mos e quani veten një “demokrat” z. Basha, dhe mos besoni që im atë do të kishte mbështetur veprimet tuaja sonte. Azemi dhe e gjithë Shqipëria në 1990 protestuan për të sjellë demokracinë në Shqipëri jo nëpërmjet dhunës. Ju po protestoni ta grisni atë demokraci copë e grimë. Shqiptarët e zakonshëm e panë të vërtetën e shëmtuar sonte se, dhe s’mund të gabojmë t’iu quajnë ju një “demokrat”. Ky është një mashtrim. Edhe pas 30 vjetësh e kopjon Azemin shëmtuar duke perseritur refrenin “E duam Shqipërinë si gjithë Europa”, shprehet ndër të tjera Hajdari.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
