Gazeta Si – Inxhinieri dhe dy punëtorë të pallatit ku ndodhi incidenti mëngjesin e djeshëm në Tiranë janë arrestuar.
Në pranga u vunë Elton Osmanllari, Erjon Kanto dhe Zef Kalaj, me profesion punëtor ndërtimi, sipërmarrës dhe inxhinier.
Incidenti ndodhi rreth orës 10:10 ditën e djeshme, në bulevardin “Gjergj Fishta” në kryeqytet, ku u rrëzuan skelat e një pallati në ndërtim e sipër, duke plagosur dy kalimtarë, 70-vjeçarin H.L. dhe 45-vjeçarja me I.Sh.
Sipas të dhënave nga spitali i Traumës, aty ku janë dërguar dy të lënduarit, 70-vjeçari është në gjendje të rëndë shëndetësore, ndërsa 45-vjeçarja në gjendje stabël. I moshuari ka marrë dëmtime të mëdha në pjesën e kokës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
