.png)
Gazeta Si – Ronaldo Fenomeni u është kthyer kujtimeve të Botërorit 2002 të Koresë së Jugut dhe Japonisë. Atë Botëror e fitoi Brazili i tij dhe sulmuesi ishte protagonist absolut brenda dhe jashtë fushe.
Emocione të jashtëzakonshme në fushë dhe një ‘look’, që shumë do të donin ta harronin. Pas 20 vitesh Ronaldo ka kërkuar falje për modelin e tij të flokëve, që pati ndikim shumë të madh te të rinjtë e apasionuar pas futbollit dhe që krijoi probleme në shumë familje.
Për ‘Good Morning Britain’, Fenomeni kujton duke qeshur: “Nëna ime dhe miliona nëna në gjithë botën më urrejnë për atë prerje flokësh. Edhe sot takoj persona, të cilët kanë pasur një fëmijë që donte atë model flokësh. Më vjen keq! Ju kërkoj ndjesë të gjitha nënave!”
Fenomeni ka zbuluar gjithashtu arsyen e atij modeli flokësh, që e mbajti gjatë gjithë Botërorit. Sipas shokëve të tij te Seleçao, sillte fat. Ronaldo shënonte dhe Brazili fitonte, kështu që ata donin që sulmuesi të mos ndryshonte asgjë nga ai ‘look’ ‘i tmerrshëm’.
Dhe në fund Brazili fitoi Kupën e Botës me një dopietë të Ronaldos në finalen ndaj Gjermanisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
