Romanet klasike me detektivë të Agatha Christie në redaktim; Qëllimi, heqja e gjuhës fyese

Novelat nga “zonja e krimit” Agatha Christie janë veprat më të fundit klasike që do të rishikohen për të hequr referencat raciste dhe gjuhë të tjera që konsiderohen fyese për audiencën moderne.

Sipas gazetës britanike The Telegraph, botuesi HarperCollins ka redaktuar disa pasazhe dhe ka hequr të tjera nga botimet e reja dixhitale të disa prej mistereve të detektivëve të përshkruar në librat Agatha Christies.

Ndryshimet e librave, të botuara midis viteve 1920 dhe 1976, (viti i vdekjes së shkrimtares), përfshijnë ndryshime në monologun e brendshëm të narratorit. Për shembull, përshkrimi i një personazhi si “një çifut, sigurisht” në romanin debutues të Christie’s, “Çështja misterioze në Styles”, është hequr nga versioni i ri.

Përgjatë versionit të rishikuar të përmbledhjes së tregimeve të shkurtra “Rastet e fundit të zonjës Marple dhe dy histori të tjera”, fjala “vendase” është zëvendësuar me “lokale”, transmeton The Telegraph.

Një pasazh që përshkruan një shërbëtor si “i zi” është rishikuar dhe personazhit tani i drejtohesh pa asnjë referencë për racën e tij.

Dhe në romanin e vitit 1937 “Vdekje në Nil”, referencat për “popullin nubian” janë hequr kudo.

Telegrafi raporton se HarperCollins publikoi disa nga ribotimet në vitin 2020, me të tjera që do të zbulohen.

CNN ka kontaktuar HarperCollins dhe kompaninë që merret me të drejtat letrare dhe mediatike të autores së ndjerë, për koment.

Ndryshimet në materialin burimor vijnë pasi u zbulua muajin e kaluar se librat klasikë për fëmijë të një tjetër autori Roald Dahl ishin trajtuar ngjashëm.

Ndryshimet në librat e Dahl ndanë fansat e veprave, me disa që argumentojnë se rishkrimi i letërsisë klasike është një formë censurimi.

Por ai që kishte të drejtën e botimit të autorit për fëmijë iu përgjigj polemikave duke njoftuar se do të publikonte dy versione — një të ndryshuar dhe një klasik — për t’u dhënë lexuesve “zgjedhjen për të vendosur vetë se si i përjetojnë historitë magjike dhe të mrekullueshme të Roald Dahl”. cnn.com/ Pershtati Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.