.png)
Nga Gazeta “Si”– Në kuadër të javës kombëtare të romëve,në qytetin e Roskovecit do të mbahet Festivali “Roma Romale 2025” i cili do të zhvillohet në dy netë . Dhjetë grupe nga Shqipëria së bashku me grupin nga Maqedonia e Veriut do të jenë prezent në festival.
Artistë nga Tirana, Durrësi, Lezha, Mati, Roskoveci, Lushnja, Delvina, Ersekë, Fieri do të performojnë në këtë festival të parin në llojin e tij në Shqipëri, i cili ka si qëllim ruajtjen e traditës, jo vetëm në kërcimet tradicionale, muzikë por edhe në veshje.
Prej më shumë se dy muajsh, grupet janë duke u përgatitur për këtë festival i cili do të jetë një shkëmbim eksperiencash mes artistëve Rom të qyteteve pjesëmarrëse.
Axhenda e festivalit përfshin një tryezë diskutimi me tematikë: “Çështja rome, në prespektivën e pushtetit lokal” e cila do të mbahet në ditën e parë të festivalit.
Në këtë tryezë diskutimi janë të ftuar përfaqësues nga Kosova si: Z. Habit Hajredini (drejtor i zyrës së qeverisjes së mirë, pranë Kryeministrit Albin Kurti) kryetari i komunës Prizren Z. Shaqir Totaj, Z. Bali Muharremaj kryetar i komunës Suharekë, Z. Adriatik Hasantari , drejtor ekzekutiv i organizatës “Roma Active Albania”
Dita e dytë vijon me ceremoninë e pritjes së grupeve në zyrën e Kryetares së Bashkisë, Majlinda Bufi dhe në mbrëmje do të finalizohet me një koncert në sheshin “Bazar” ku qytetarët e Roskovecit do të shijojnë një spektakël me artistët Rom nga Shqipëria.
Ky festival do të moderohet nga Sokol Guga e Silvana Braçe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
