.png)
Merrni limuzinën dhe paruken bionde sepse Hannah Montana është rikthyer, në 20-vjetorin e saj.
Disney+ dhe Hulu kanë publikuar pamjet e para të filmit, i cili do të transmetohet më 24 mars, pikërisht 20 vite pasi seriali origjinal u shfaq për herë të parë në Disney Channel në vitin 2006.
Traileri hapet me Miley Cyrus që mbërrin në një studio të Disney-t, e veshur me paruken bionde karakteristike të Hannah Montana-s.
“Sa mirë që u ktheva në shtëpi,” thotë ajo, ndërsa në sfond nis të luajë kënga ikonike “The Best of Both Worlds”.
Pamjet përfshijnë momente nga performancat e saj si Hannah, rikrijime të skenave të serialit dhe një intervistë me moderatoren Alex Cooper nga “Call Her Daddy”.
“Cili djalë i Disney-t të pëlqente më shumë në atë kohë?”, e pyet Cooper, ndërsa Cyrus përgjigjet me humor: “Nxirrni çajnikun”.
Traileri sjell edhe një fragment emocional ku ajo performon “The Climb”, ndërsa shfaqen momente me prindërit e saj, Tish Cyrus-Purcell dhe Billy Ray Cyrus.
“E dua të jem Hannah. E dua të jem Miley Cyrus. Ju më mësuat të jem ajo që jam,” i thotë ajo nënës së saj. Në një tjetër moment prekës, ajo përqafon të atin në setin e shtëpisë së familjes Stewart.
“Te dua”, i thotë ajo, ndërsa ai përgjigjet: “Best of both worlds”.
Në një deklaratë të mëparshme, Cyrus është shprehur se “Hannah Montana” do të mbetet gjithmonë pjesë e identitetit të saj, duke theksuar ndikimin e madh që ka pasur jo vetëm në jetën e saj, por edhe tek fansat në mbarë botën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje