.png)
Ekzekutimi mafioz i Artan Santos në qershorin e vitit 2014 në zemër të Tiranës do të rihetohet, këtë herë nga Prokuroria e Posaçme.
Dosja është hapur nga SPAK me kërkesë të Prokurorisë së Tiranës, nën dyshimet se pas vrasjes së bankierit qëndron një grup i strukturuar kriminal.
Top Channel raporton se pasi ka kryer një sërë veprimesh hetimore, Prokuroria e Tiranës ka shpallur moskompetencën dhe ia ka dorëzuar SPAK duke qenë se ka dyshime të forta se eliminimi i Artanit është kryer nga një grup kriminal dhe vrasës me pagesë.
Kjo çështje që prej javësh së kaluar është në duart e prokurorëve të posacëm kundër krimit të organizuar.
Artan Santo u ekzekutua në qershor të 2014-ës në zonën e ish-Bllokut në Tiranë. E vetmja gjurmë e autorëve ishte motori me të cilin udhëtonin, të maskuar nga skafandrat mbrojtëse. Disa kohë më vonë, policia gjeti dy skafandra të ngjashme me ato të përdorura nga ekzekutuesit në një magazinë në zonën e Fushë-Krujës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
