Gazeta Si – Ndeshja mes Dinamos dhe Teutës, e programuar për t’u zhvilluar sot, në orën 17:00, në stadiumin “Niko Dovana”, është shtyrë për shkak të reshjeve të dendura të shiut në këtë qytet.
Fillimisht, ndeshja u shty me një orë, me shpresën se situata do të përmirësohej, por nuk ndodhi kështu. Federata Shqiptare e Futbollit njoftoi zyrytarisht se kjo ndeshje, e vlefshme për javën e 27-të kampionatit, do të zhvillohet në një datë tjetër.
Fusha e stadiumit ishte në një gjendje vërtet të rënduar dhe bënte të pamundur zhvillimin normal të ndeshjes. Zyrtarët e FSHF-së kanë ndjekur protokollin dhe në fund kanë vendosur për shtyrjen e ndeshjes. Tani pritet të përcaktohet data kur do të luhet kjo sfidë e rëndësishme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
