.png)
Një aplikacion i ri në smartphone mund të testojë Covid-19 me 92% saktësi vetëm me anë të kollës.
ResApp, i cili u zhvillua nga shkencëtarët, përdor teknologjinë e shumë aplikacioneve të tjerë që analizojnë tingujt.
Në fazën e testimit, aplikacioni u zbulua se kishte zbuluar saktë Covid-19 në 92% të njerëzve me infeksion.
Profesor Catherine Bennett, një anëtare e Bordit Këshillimor Shkencor të Covid-19 të ResApp, tha se shkalla e madhe e kësaj pandemie globale dhe evolucioni i mundshëm drejt një sëmundjeje endemike, do të thotë se ne kemi nevojë për mjete diagnostikuese më të shpejta, që mund të balancojnë mbështetjen tonë aktuale në shpejtësinë e testimeve.
“Aplikacioni ResApp do të reduktonte ndjeshëm numrin e testeve të shpejta të antigjenit dhe PCR të kërkuara, duke ruajtur ende mbikëqyrjen e sëmundjes që nevojitet për të menaxhuar ndikimin e vazhdueshëm të Covid-19”,shpjegon Bennett.
Ekspertët testuan aplikacionin tek 741 pacientë në Indi dhe SHBA dhe 446 prej tyre ishin të infektuar me Covid-19.
Pjesëmarrësit plotësuan sondazhet mbi simptomat që po përjetonin dhe u kollitën në një smartphone që kishte aplikacionin.
Rezultatet treguan se aplikacioni ishte në gjendje të zbulonte saktë Covid-in në 92% të njerëzve me virus.
Studiuesit testuan më tej aplikacionin për të parë nëse do të zbulonte Covid-18 në mënyrë specifike, duke e testuar atë kundër kollës nga 1007 pacientë që vuanin nga sëmundje të tjera të frymëmarrjes, duke përfshirë astmën, pneumoninë dhe infeksionet e traktit respirator. Këto teste zbuluan se aplikacioni nuk ngatërroi simptomat.
Zhvilluesit thonë se do të përdoret fillimisht në mjedise ku kërkohet testim i shpeshtë Covid-19, i cili përfshin udhëtime, sporte, argëtim dhe mjedise të kujdesit shëndetësor.
“Ne jemi shumë të emocionuar për këto rezultate paraprake për zbulimin e Covid-19, duke përdorur audion e kollës të regjistruar në një smartphone”, tha Tony Keating, projektuesi i aplikacionit ResApp.
Sipas tij këto algoritme ofrojnë një mundësi për të ofruar një test kontrolli të shpejtë në të gjithë botën, duke reduktuar përhapjen.
Burimi:The Mirror/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
