Pas listës me emrat e portaleve që publikoi AKEP, ku u bënte thirrje që të deklaronin NIPT-in dhe të regjistroheshin në QKR, vjen reagimi nga kryetari i PD-së Lulzim Basha.
Kryedemokrati Lulzim Basha ka dalë kundër kësaj nisme të qeverisë. Nëpërmjet një postimi në “Twitter”, Basha shprehet se kryeministri kërkon regjistrimin e portaleve për t’i shantazhuar dhe më pas për të vrarë të vërtetën.
“AKEP është Policia e Mendimit në duart e Ramës për të kërcënuar lirinë e shprehjes dhe vrarë të vërtetën. Rama kërkon që mediat online të regjistrohen si biznese që t’u lëshojë tatimorët për t’i shantazhuar dhe dhunuar. Do të dështojë turpshëm, së bashku me veglat qorre në AKEP”, shkruan Basha në “Twitter”.
AKEP është Policia e Mendimit në duart e Ramës për të kërcënuar lirinë e shprehjes dhe vrarë të vërtetën. Rama kërkon që mediat online të regjistrohen si biznese që t’u lëshojë tatimorët për t’i shantazhuar dhe dhunuar. Do të dështojë turpshëm, së bashku me veglat qorre në AKEP.
— Lulzim Basha (@lulzimbasha_al) October 16, 2018
Paketa antishpifje e iniciuar nga kryeministri Rama nis me legalizimin e portaleve. Kryeministri i cilëson si ‘fantazma’ pa adresë dhe pa emër, portalet e paregjistruara në Qendrën Kombëtare të Bizneseve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
