Nga Gazeta 'SI' - Një raport i fundit mbi pronën, e liston Shqipërinë si një nga vendet me pasiguri të lartë mbi pronësinë.
Konkretisht, Shqipëria renditet e 5-ta në Europë, me 20% të të rriturve që ndihen të pasigurt për strehimin e tyre.
Anketa, tregon se arsyeja më e përhapur e kësaj pasigurie është mungesa e parave, 8% ndjekur nga mundësia e largimit nga pronari i shtëpisë me 7%. 4% janë të pasigurtë për shkak të marrëdhënive konfliktuale familjare dhe 4% kanë shqetësimin e konfiskimit të pronës nga autoritetet.
Shqipëria ka pasigurinë më të lartë në rajon.
Në të gjithë kontinentin, Mbretërinë e Bashkuar, Turqia dhe Greqia kryesojnë listën si vende me nivele të pasigurisë mbi 35%.
Perceptimet më të ulëta të pasigurisë janë vërejtur në Lituani (6%), e ndjekur nga Bullgaria dhe Moldavia, të dyja me 7%. Ndërkohë, kjo shifër është 8% në Poloni, 11% në Itali dhe 12% në Hungari dhe Kroaci.
Raporti gjen se nga 2020-a në 2024-n pasiguria mbi pronën është reduktuar dhe globalisht, burrat janë më të pasigurtë 24% se sa gratë 23%. Shifrat përmbysen kur ndarja bëhet sipas ekonomive dhe sa më i varfër të jetë një vend, aq më pak garanci ka një grua për strehim.
Në rang global, humbja e të drejtës së pronës nga një divorc është shqetësim më i madh se mungesa e parave, 33% me 27%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
