Sipas një hulumtimi të ri të botuar sot, nëse do të investonim 1.83 trilion dollarë rreth 2 përqind të PBB-së globale në vit për uljen e emetimeve urbane, qeveritë do të gjeneronin kthime vjetore me vlerë tre herë më shumë. Kursimi i kostos së energjisë do të arrijë në 2.80 trilion dollarë në vit, deri në 2030-tën dhe 6.98 trilion dollarë deri në vitin 2050, sipas një projekti kërkimor të Bashkimit Europian, i cili u udhëhoq nga një grup prej 50 institucionesh ndërkombëtare, nën ‘Koalicionin për Tranzicionin Urban”.
Studimi zbuloi se këto kursime me kalimin e kohës do të arrijnë në 24 trilionë dollarë deri në vitin 2050. Dhe sipas raportit ky vlerësim është konservator sepse, shifrat nuk përfshijnë përfitime më të gjëra, siç janë fitimet e produktivitetit afatgjatë ose përmirësimi i shëndetit publik.
![](https://gazetasi.al/wp-content/uploads/2019/09/Kuotat-e-karbonit-Rritja-e-çmimeve-bën-që-kompanitë-të-ndryshojnë-produktet-01-1110x305.jpg)
"Me çmime më të larta të energjisë dhe norma më të shpejta të mësimit teknologjik, vlera aktuale neto e këtyre investimeve mund të rritet deri në 38.19 trilion dollarë", thuhet në raport.
Gjithashtu, raporti përcakton se emetimet e përgjithshme në qytete mund të ulen afro 90% deri në vitin 2050, nëse janë vendosur masat për karbon të ulët në sektorët e ndërtesës, transportit, materialeve dhe mbeturinave.
"Në terma absolutë, këto kursime janë më të mëdha se emetimet e kombinuara të lidhura me energjinë në vitin 2014 të dy emetuesve më të mëdhenj, Kina dhe SHBA,” thuhet në raport, i cili u bën thirrje qeverive t’u japin përparësi në qytetet e papastra, në mënyrë që të sigurojnë prosperitetin ekonomik për trajtimin e krizës klimatike.
![](https://gazetasi.al/wp-content/uploads/2019/09/i1.jpg)
Raporti u prezantua në Samitin e Aksionit të Klimës të mbledhur në New York nga Sekretari i Përgjithshëm të Kombeve të Bashkuara. Gjithashtu, pritet që të ketë edhe protesta për klimën të cilat, sipas raportit do të ndikojnë në vendimmarrjen e qeverive.
"Qytetet janë shtëpi për më shumë se gjysmën e popullsisë së botës dhe gjenerojnë 80% të produktit të brendshëm bruto dhe tre të katërtat e emetimeve të karbonit nga përdorimi i energjisë," tha Christiana Figueres, ish sekretarja ekzekutive në Konventën e Kombeve të Bashkuara për Ndryshimet Klimatike
Kështu që mund të themi fare mirë që qytetet janë, një levë e fuqishme për të trajtuar ngrohjen globale. Megjithatë përfitimet nga luftimi i fenomenit të ngrohjes globale janë harruar sipas Figueres, e cila tashmë është nënkryetare e Paktit Global të Kryetarëve të Kominave, një koalicion global i udhëheqësve të qyteteve që adresojnë ndryshimin e klimës.
“Është si të humbësh peshë. Kur humbisni peshë, ju ndjeheni më mirë, konsumoni ushqime më të shëndetshme dhe kjo tregon që nuk do të keni probleme shëndetësore,” tha ajo.
![](https://gazetasi.al/wp-content/uploads/2019/09/i2.png)
Figueres ka qenë gjithashtu kryesore në miratimin e Marrëveshjes së Parisit në 2015, tha se investimi në qytete do të kishte edhe përfitime shëndetësore e sociale, pasi do të kontribuonte në pastrimin e ajrit, zvogëlimin e trafikut dhe do të ndihmojë krijimin e 87 milion vendeve të punës, deri në vitin 2030 në sektorë të tillë si energji e pastër dhe transporti publik.
Në raport shkruhet se më pak se pesë vende të botës kanë një strategji të qartë kombëtare se, si qytetet mund të ndihmojnë në uljen e gazeve në mjedis, me veprimtarinë e tyre të përditshme.
"Trajtimi i krizës klimatike dhe sigurimi i prosperitetit ekonomik është i mundur. Qytetet e qëndrueshme dhe rezistente do të luajnë një rol kryesor. Por qeveritë lokale nuk mund ta drejtojnë vetë tranzicionin e karbonit zero. Mbështetja e fortë e qeverive kudo në botë është thelbësore për të nxjerrë potencialin e plotë transformues të qyteteve," tha ministri gjerman i mjedisit Svenja Schulze, i cili foli në konferencën për shtyp./Euractiv/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.