.png)
Në ditën që filloi Muaji i Shenjtë i Ramazanit, i dyti në kushtet e pandemisë, besimtarët myslimanë e gjejnë veten të detyruar të jenë të shtrënguar nga shumë kufizime që lidhen me Covid 19.
Periudha vjen në një kohë kur e gjithë bota, duke përfshirë shumë vende me shumicë myslimane, është në emergjencë të plotë për shkak të një vale intensive të infeksioneve.
Dhe muaji i shenjtë për besimtarët e Islamit, zakonisht do të thotë lutje në grupe, takime, vakte të zakonshme në fund të agjërimit ditor.
Disa vende po vendosin kufizime në ritualet e përditshme që lidhen me pandeminë. Nëse nga njëra anë, besimtarët përpiqen të jenë strikt duke respektuar Ramazanin, nga ana tjetër, shqetësimi për infeksionin mbetet shumë i lartë.
Drejtori rajonal i Organizatës Botërore të Shëndetësisë për Mesdheun Lindor, Ahmed Al-Mandhari, paralajmëron: “Dështimi i Ramazanit të kaluar, heqja e nxituar e shtetrrethimit të vendosur në atë kohë dhe rihapja e vendeve të adhurimit të kongregacioneve, kanë çuar në pasoja serioze që zgjatën me muaj”.
Ramazani dhe zakonet – Rregullat e Islamit, të cilat prekin më shumë se një miliard e gjysmë myslimanë në të gjithë botën, thonë se gjatë Ramazanit, i cili do të zgjasë deri më 12 maj, ekziston një detyrim për të agjëruar çdo ditë, i ndërprerë vetëm nga muzgu deri në agim.
Në vitin 2020, në fillim të Ramazanit, vendet e shenjta, xhamitë, restorantet dhe dyqanet, u mbyllën të gjitha, ndërsa këtë vit, masat janë më të buta dhe do të lejojnë, sipas konteksteve të ndryshme, të respektojnë të paktën pjesërisht ritet fetare dhe zakonet shoqërore
Meka – Risia kryesore ka të bëjë me Mekën, qytetin e shenjtë të Islamit, i cili do të pastrohet 10 herë në ditë, me 60 mijë litra xhel dhe i cili, do të jetë në gjendje të strehojë vetëm besimtarë të imunizuar: ata që kanë marrë të paktën një dozë të vaksinës, do të pranohen, sikundër dhe ata që janë shëruar nga virusi. Për ata që shkelin rregullat, autoritetet saudite thonë se do të ketë gjoba shumë të larta.
Jeruzalem – Në Jeruzalem, vitin e kaluar, xhamia Al Aqsa, vendi i tretë i shenjtë i Islamit, mbeti i shkretuar. Këtë vit, pritet që gjatë Ramazanit, besimtarët të kenë qasje në këtë vend të shenjtë, por vetëm në mjedise të hapura dhe duke respektuar distancën.
Irani dhe Siria – Xhamitë do të qëndrojnë të hapura me orë të reduktuara dhe me vendosjen e distancës shoqërore.
Irani, të shtunën dekretoi një bllokim të ri 10-ditor në pjesën më të madhe të vendit, duke ndaluar në të vërtetë të gjitha format e grumbullimit.
Ndryshe nga Siria, ku popullsia, e rraskapitur nga kriza dhe pasiguria ushqimore, sheh kërcënimin e fundit te Covid 19 për mbijetesë.
Agjencia qeveritare e lajmeve siriane “Sana”, tregoi imazhe të njerëzve që blinin në tregjet e frutave dhe perimeve përpara fillimit të Ramazanit pa respektuar distancat dhe pa maskë.
Libani – Në Libanin fqinj, ekziston një polemikë midis komisionit shkencor qeveritar anti-Covid dhe qeverisë, e cila ka shtyrë fillimin e ndalimit të shtetrrethimit me dy orë për të lejuar pronarët dhe shitësit e dyqaneve të shesin mallrat e tyre, edhe gjatë iftarit.
Dubai – Shtetrrethimi i natës, është vendosur pothuajse kudo në Lindjen e Mesme, ndërsa në Dubai, në Emiratet e Bashkuara Arabe, ku përqindja e njerëzve të vaksinuar është shumë e lartë, mund të lëvizet deri natën vonë dhe transporti publik do të lejohet të qarkullojë deri pas mesnate gjatë fundjavës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
