Gazeta Si – Ylber Ramadani ishte titullar në ndeshjen ndaj Juventusit, ku Leçe humbi me rezultatin e thellë, 0-3. Mesfushori kuqezi ishte ndër më të mirët për skuadrën e tij, që në të tërësi bëri një ndeshje të dobët.
Ramadani dhe Krstoviç ishin dy titullarët e vetëm që morën një vlerësim më të lartë se të tjerët, notën 6. Leçe rezistoi gjatë pjesës së parë, ndërsa në të dytën ‘kalaja’ e saj u shemb dhe Juventusi realizoi 3 gola, që i kanë dhënë kryesimin e Serisë A.
Ardian Ismajli ishte pjesë e formacionit të Empolit në fitoren 3-0 ndaj Moncës. Një fitore e rëndësishme kjo për skuadrën e tre shqiptarëve, ku trajneri i ri duket se ka pasur impakt të menjëhershëm. Ismajli e nisi nga minuta e parë dhe ishte në nivelin e tij të zakonshëm në mbrojtje.
Stiven Shpendi u fut në fushë në pjesën e dytë dhe dha pasimin për golin e tretë të Empolit. Portieri Etrit Berisha e ndoqi këtë ndeshje nga tribuna, pasi, sipas shtypit italian, ka pasur një shqetësim fizik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
