Kryeministri Edi Rama është i bindur se pas protestës së kontrollorëve të Rinasit qëndron dora e Presidentit Ilir Meta.
Kreu i Qeverisë iu drejtua në emër Presidentit për të njoftuar përmes rrjeteve sociale se, sipas tij, nuk e bllokoi dot ardhjen e vaksinave dhe as funksionimin normal të aeroportit.
“Ilir kam një lajm të keq për ty: Vaksinat vijnë sot dhe fluturimet rifillojnë normalisht nesër! Plani yt me Saliun për bllokimin e vaksinimit e rikthimin e Rrumpallës në prag të zgjedhjeve dështoi!”, thotë Rama.
Më tej, Kryeministri interpreton edhe thirrjen e bërë nga Presidenti Ilir Meta për auditim të AlbControl nga ana e Kontrollit të Lartë të Shtetit.
“Dokrrat me reflektime e auditime, vazhdoji me Leshkon dhe Leskon në skutat e OFL!”, mbyll reagimin e tij Kryeministri Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
