.png)
Nga Gazeta ‘Si’- Kryeministri Edi Rama u ul në gjunjë teksa homologia e tij italiane, Giorgia Meloni mbërriti në Sheshin Skënderbej.
Ky moment u shoqërua me batuta nga Giorgia Meloni, e cila u shpreh se: “E bën vetëm që të jetë i gjatë sa unë”.
Më pas, dy liderët shkëmbyen një përqafim në tapetin e kuq.
Kryeministrja italiane Giorgia Meloni foli edhe për kampin e emigrantëve që është ndërtuar në Gjadër të Lezhës, i cili do të presë shtetasit nga vendet e treta, që do të kthehen pas nga Italia, deri në verifikimin e dokumentacionit të tyre.
Meloni tha nga Tirana, ku po merr pjesë në mbledhjen e Komunitetit Politik Europian, se nuk e ka vizituar kampin këto kohë, por shtoi se puna atje po vijon me shpejtësi, gjë që sipas saj tregon se ç’do gjë është në rrugën e duhur.
Meloni foli edhe për situatën në Ukrainë, teksa tha se Bashkimi Europian duhet të këmbëngulë për një marrëveshje serioze paqeje, e cila do të ketë edhe garanci sigurie për Kievin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
