Menjëherë pasi presidenti Meta shfuqizoi datën e zgjedhjeve të 30 qershorit, vjen kundërpërgjigjja nga kryeministri Rama.
Kreu i qeverisë është i vendosur se zgjedhjet do të mbahen më 30 qershor.
Nga qyteti i Beratit ku ndodhej në mitingun e fushatës, ai u shpreh se zgjedhjet janë të popullit, as të partive as të presidentit.
“Përsëri gabim, e ju them se zgjedhjet do bëhen në 30 qershor. Nuk jam i befasuar e prisja edhe këtë, nuk është asgjë veçse mbyllja e një rrethi të një plani të bërë me kohë, për një arsye të vetme, për arsyen se nuk kërkohet shtyrja e zgjedhjeve, kërkohet marrja zvarrë e qeverisë e varrimi i refomës në drejtësi. Por as qeverinë se marrin zvarrë as reformën se varrosin dot dhe ne në 30 qershor do bëjmë zgjedhje, sepse zgjedhjet janë të popullit, as të partive as të presidentit”, u shpreh kryeministri Rama për vendimin e papritur të presidentit Meta që shfuqizoi dekretin duke anuluar 30 qershorin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
