Gazeta Si – Kryebashkiaku i Kamzës, Rakip Suli është paraqitur sërish në SPAK këtë të mërkurë. I pyetur nga mediat, Suli deklaroi se ishte paraqitur në Strukturën e Posaçme për të sjellë disa dokumente.
Kjo është hera e trettë që ai thirret në SPAK nga Prokuroria e Posaçme, e cila pritet t’i kërkojë sqarime lidhur me hetimet që po kryhen për fondet e tërmetit të vitit 2019-të dhe një tender për pastrimin e qytetit.
Të hën 6 nëntor, ai dëshmoi për 1 orë e 30 minuta duke dhënë shpjegime për kallëzimet kundër tij.
Pas daljes nga SPAK, numri një i Kamzës refuzoi të shpjegojë se për çfarë është pyetur. Pak përpara se të futej në automjetin e tij, kryebashkiaku u shpreh, që do vinte në SPAK sa herë që të kërkohej.
Suli është kallëzuar nga kryetari i këshillit bashkiak që vjen nga radhët e opozitës. Ai pretendon se kryebashkiaku ka shkelur ligjin edhe për mënyrën si janë zhvilluar mbledhjet e këshillit bashkiak.
Ndërkohë ditët në vazhdim do të thirren në SPAK edhe zyrtarë të tjerë të bashkisë së Kamzës. SPAK do të sekuestrojë të gjitha dokumentet nga institucioni për të parë nëse ka shkelje të ligjit.
Më kontretisht, prokuroria po kryen hetime ndaj Rakip Sulit dhe zyrtarëve të tjerë për disa vepra penale, duke nisur nga “Shperdorimi i detyres”, “Shkelja e barazisë në tendera dhe korrupsionit.
Në kuadër të ketyre hetimeve, agjentë të Byrose Kombëtare të Hetimit kanë sekuestruar disa dokumente në Bashkinë Kamëz, por edhe procedura të tenderit për pastrimin e qytetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
